پاکستان منرلز انویسٹمنٹ فورم کا آغاز، اسلام آباد عالمی توجہ کا مرکز بن گیا

اسلام آباد کے جناح کنونشن سینٹر میں آج سے ’پاکستان منرلز انویسٹمنٹ فورم 2026‘ کا باقاعدہ آغاز ہو رہا ہے، جس کے باعث وفاقی دارالحکومت عالمی سرمایہ کاروں اور معدنیات کے ماہرین کی توجہ کا مرکز بن گیا ہے۔ حکومتِ پاکستان کی میزبانی میں منعقد ہونے والے اس اہم فورم میں ملکی و غیر ملکی سرمایہ کاروں اور بین الاقوامی شراکت داروں کو پاکستان کے وسیع معدنی ذخائر اور سرمایہ کاری کے پرکشش مواقع سے آگاہ کیا جائے گا۔ فورم کے دوران معدنی وسائل کی تلاش، جدید کان کنی، پراسیسنگ اور ویلیو ایڈیشن کے شعبوں میں عالمی شراکت داری کے امکانات کو اجاگر کیا جا رہا ہے، جس کا بنیادی مقصد ملک کے قیمتی معدنی وسائل کو پائیدار معاشی ترقی اور بیرونی سرمایہ کاری کے نئے مواقع میں تبدیل کرنا ہے۔