نائیجیریا پولو ورلڈ کپ کوالیفائرز میں پاکستان نے ایران کو شکست دیدی

نائیجیریا میں جاری 13 ویں پولو ورلڈ کپ کوالیفائرز میں پاکستان نے شاندار کھیل کا مظاہرہ کرتے ہوئے فاتحانہ آغاز کر دیا ہے۔ قومی پولو ٹیم نے اپنے افتتاحی میچ میں ایران کو 6 کے مقابلے میں 10 گول سے شکست دے کر ٹورنامنٹ میں پہلی کامیابی سمیٹی۔ 9 نومبر سے 16 نومبر تک جاری رہنے والے اس کوالیفائنگ ایونٹ میں میزبان نائیجیریا سمیت پاکستان، ایران اور بھارت کی ٹیمیں شریک ہیں، جبکہ قومی ٹیم اپنا اگلا اہم میچ 13 نومبر کو روایتی حریف بھارت کے خلاف کھیلے گی۔