شرح سود برقرار رہے گی یا بڑھے گی؟ نئی مانیٹری پالیسی کا اعلان آج ہوگا

اسٹیٹ بینک آف پاکستان آج نئی مانیٹری پالیسی کا اعلان کرے گا جس میں شرح سود کے بارے میں اہم فیصلہ متوقع ہے۔ گورنر اسٹیٹ بینک جمیل احمد کی زیر صدارت مانیٹری پالیسی کمیٹی کا اجلاس ہوگا جس میں موجودہ معاشی صورتحال کا جائزہ لے کر آئندہ پالیسی کا تعین کیا جائے گا۔

سروے رپورٹ کے مطابق 60 فیصد بزنس کمیونٹی کا خیال ہے کہ شرح سود کو موجودہ سطح پر برقرار رکھا جائے گا۔ جبکہ 24 فیصد تاجر برادری کے مطابق شرح سود میں اضافہ ہوسکتا ہے، اور 10 فیصد افراد نے شرح سود میں کمی کی پیشگوئی کی ہے۔

یاد رہے کہ اس وقت ملک میں شرح سود ساڑھے 10 فیصد کی سطح پر موجود ہے، اور کاروباری حلقے اس فیصلے کو معاشی سرگرمیوں کے لیے اہم قرار دے رہے ہیں۔