اسحاق ڈار کی انڈونیشین ہم منصب سے ٹیلیفونک گفتگو، دوطرفہ تعاون بڑھانے پر اتفاق

نائب وزیراعظم و وزیر خارجہ سینیٹر اسحاق ڈار نے انڈونیشیا کے وزیر خارجہ سے اہم ٹیلی فونک گفتگو کی ہے، جس میں دوطرفہ سفارتی تعلقات اور باہمی تعاون بڑھانے پر تبادلہ خیال کیا گیا۔ ترجمان دفتر خارجہ کے مطابق گفتگو کے دوران علاقائی اور بین الاقوامی صورتحال کے ساتھ ساتھ بالخصوص امریکا اور ایران کے درمیان جاری حالیہ روابط پر بھی تبادلہ خیال کیا گیا۔ اس موقع پر انڈونیشیا کے وزیر خارجہ نے خطے میں قیامِ امن اور استحکام کے فروغ کے حوالے سے پاکستان کے مثبت کردار کو سراہا، جبکہ دونوں رہنماؤں نے باہمی دلچسپی کے اہم شعبوں میں دوطرفہ تعاون کو مستقبل میں مزید مستحکم کرنے کے عزم کا اعادہ کیا۔