LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
بحیرہ عرب میں مشترکہ آپریشن، 15 کروڑ کی غیر قانونی شراب ضبط لاہور: اجوکا تھیٹر کا پنجاب ڈرامیٹک اینڈ تھیٹریکل پرفارمنسز بل کی منظوری پر شدید تحفظات کا اظہار، قانون کی واپسی کے لیے مہم چلانے کا اعلان 600 میگاواٹ شارٹ فال، لاہور سمیت مختلف شہروں میں غیر اعلانیہ لوڈشیڈنگ شروع فیلڈ مارشل سے قطری وزیر داخلہ کی ملاقات، سکیورٹی تعاون بڑھانے پر اتفاق سات شرائط پوری ہونے تک آبنائے ہرمز نہیں کھلے گی، پاسداران انقلاب عالمی یومِ اطفال پر پنجاب اسمبلی کی عمارت نیلی روشنیوں سے منور بلاول اپنے مؤقف میں سنجیدہ ہیں تو پی ٹی آئی کی نشستیں واپس کریں: بیرسٹر گوہر بھارتی فلمی فیڈریشن کا ریحان صدیقی سے روابط رکھنے والے بھارتی امریکی پروموٹرز کی تحقیقات کا مطالبہ مولانا فضل الرحمان اور مولانا اسعد محمود کی سیکیورٹی واپسی ناقابلِ معافی ہے، فوری بحال کی جائے: محمود خان اچکزئی و علامہ راجہ ناصر عباس اڈیالہ جیل میں عمران خان اور بشریٰ بی بی کا طبی معائنہ مکمل، میڈیکل ٹیم واپس روانہ سکھر میں انتخابی دھاندلی کیس، اسسٹنٹ کمشنر کو 2 سال قید، 2 لاکھ جرمانے کی سزا افغان فریڈم فرنٹ نے ہبت اللہ اخوندزادہ کی اقتدار میں شراکت کی پیشکش مسترد کر دی فلم انڈسٹری کی بحالی، فلم سٹی کے قیام اور پروڈیوسرز کی مالی معاونت پر غور دھی رانی پروگرام: خانیوال میں 182 جوڑوں کی اجتماعی شادیاں روس، چین اور امریکا کا سہ فریقی اجلاس سفارت کاری کی تاریخ کا نیا باب ہے، پیوٹن

عالمی برادری لبنان پر اسرائیلی جارحیت کے خاتمے کیلئے ٹھوس اقدامات کرے: پاکستان

Web Desk

9 April 2026

دفترِ خارجہ نے لبنان میں جاری حالیہ اسرائیلی جارحیت کی شدید ترین الفاظ میں مذمت کرتے ہوئے عالمی برادری سے مطالبہ کیا ہے کہ وہ معصوم جانوں کے ضیاع اور بنیادی ڈھانچے کی تباہی کو روکنے کے لیے فوری اور ٹھوس اقدامات کرے۔ ترجمان دفترِ خارجہ کے مطابق، اسرائیل کے یہ اقدامات بین الاقوامی قوانین اور انسانی اصولوں کی کھلی خلاف ورزی ہیں، جو خطے میں امن کی کوششوں کو سبوتاژ کر رہے ہیں۔ پاکستان نے لبنان کی خودمختاری اور علاقائی سالمیت کے ساتھ اپنی غیر متزلزل یکجہتی کا اعادہ کیا ہے۔

دوسری جانب، اقوامِ متحدہ کے سیکریٹری جنرل انتونیو گوتریس نے بھی لبنان بھر میں بڑے پیمانے پر اسرائیلی حملوں کی مذمت کرتے ہوئے تمام فریقین سے فوری طور پر کارروائیاں بند کرنے کی اپیل کی ہے۔ انہوں نے خبردار کیا کہ یہ فوجی سرگرمیاں پائیدار امن کی کوششوں کے لیے سنگین خطرہ ہیں۔ واضح رہے کہ امریکہ اور ایران کے درمیان جنگ بندی کے اعلان کے چند گھنٹوں بعد ہی اسرائیل نے لبنان پر تاریخ کے شدید ترین حملے کیے، جن میں صرف 10 منٹ کے دوران 100 سے زائد فضائی حملے کیے گئے۔ ان حملوں میں اب تک 254 افراد شہید اور 1100 سے زائد زخمی ہو چکے ہیں۔

اس صورتحال میں ایک نیا سفارتی بحران پیدا ہو گیا ہے کیونکہ امریکی نائب صدر جے ڈی وینس اور اسرائیلی حکام نے دعویٰ کیا ہے کہ جنگ بندی معاہدے میں لبنان شامل نہیں ہے۔ تاہم، وزیراعظم شہباز شریف اور نائب وزیراعظم اسحاق ڈار نے اپنے بیانات میں واضح طور پر لبنان کا ذکر کرتے ہوئے وہاں ہونے والی جنگ بندی کی خلاف ورزیوں پر گہری تشویش کا اظہار کیا ہے۔ پاکستانی قیادت کا موقف ہے کہ جامع امن تب ہی ممکن ہے جب لبنان سمیت پورے خطے میں جنگ بندی پر سختی سے عمل درآمد کرایا جائے۔