اسٹیٹ بینک کے زرمبادلہ ذخائر میں 1 کروڑ 90 لاکھ ڈالر کا اضافہ، مجموعی ذخائر 22 ارب 52 کروڑ ڈالر سے تجاوز کر گئے

اسٹیٹ بینک آف پاکستان کی جانب سے جاری کردہ تازہ ترین اعداد و شمار کے مطابق مرکزی بینک کے زرمبادلہ ذخائر میں 1 کروڑ 90 لاکھ ڈالر کا اضافہ ریکارڈ کیا گیا ہے، جس کے بعد اسٹیٹ بینک کے پاس موجود ذخائر کی مجموعی مالیت 17 ارب 11 کروڑ 78 لاکھ ڈالر ہو گئی ہے۔

مرکزی بینک کا کہنا ہے کہ اس وقت ملک کے کمرشل بینکوں کے پاس 5 ارب 41 کروڑ 1 لاکھ ڈالر کے زرمبادلہ ذخائر موجود ہیں۔ اس اضافے کے بعد پاکستان کے مجموعی ملکی زرمبادلہ کے ذخائر 22 ارب 52 کروڑ 79 لاکھ ڈالر کی سطح پر پہنچ گئے ہیں