پاکستان کا غزہ کی صورتحال پر اظہار تشویش، فلسطینیوں کو فوری تحفظ فراہم کرنے کا مطالبہ

اقوامِ متحدہ میں پاکستان کے مستقل مندوب عاصم افتخار نے سلامتی کونسل سے خطاب کرتے ہوئے مقبوضہ مغربی کنارے کی بگڑتی ہوئی صورتحال پر شدید تشویش کا اظہار کیا ہے اور عالمی برادری سے فلسطینیوں کو فوری بین الاقوامی تحفظ فراہم کرنے کا مطالبہ کیا ہے۔ پاکستانی مندوب نے واضح کیا کہ اسرائیل کے غیر قانونی اقدامات اور آباد کاری میں توسیع کا بنیادی مقصد اپنے ناجائز قبضے کو مستحکم کرنا اور فلسطینی سرزمین کو تقسیم کرنا ہے۔ انہوں نے اسرائیلی آبادکاروں کی جانب سے پرتشدد کارروائیوں کے فوری خاتمے اور مسجدِ اقصیٰ میں اشتعال انگیز اقدامات پر قابو پانے کا مطالبہ کرتے ہوئے ذمہ داروں کو جوابدہ ٹھہرانے پر زور دیا۔ عاصم افتخار نے سلامتی کونسل سے مطالبہ کیا کہ وہ مظلوم فلسطینیوں بالخصوص بچوں کے حقوق کے تحفظ کے لیے یونیسیف کی سفارشات پر عملدرآمد کو یقینی بنائے۔

English Slug: