ماسکو میں پاکستان کے 80ویں یومِ آزادی کی پروقار تقریب، روسی نائب وزیر خارجہ کی خصوصی شرکت

روسی دارالحکومت ماسکو میں پاکستان کے 80ویں یومِ آزادی کے موقع پر سفارت خانہ پاکستان کے زیرِ اہتمام ایک پروقار استقبالیہ تقریب کا انعقاد کیا گیا، جس میں روسی حکومت کے اعلیٰ حکام، سفارتکاروں، ماہرینِ تعلیم، میڈیا نمائندوں اور پاکستانی کمیونٹی سے تعلق رکھنے والے تقریباً 250 مہمانوں نے شرکت کی۔ تقریب کے مہمانِ خصوصی روس کے نائب وزیرِ خارجہ میخائل گالوزین تھے۔

روس میں پاکستان کے سفیر فیصل نیاز ترمذی نے اپنے خطاب میں دونوں ممالک کے درمیان تیزی سے استوار ہوتے تعلقات کو خوش آئند قرار دیتے ہوئے تجارت، تعلیم، سیاحت اور انٹرنیشنل نارتھ ساؤتھ ٹرانسپورٹ کوریڈور (INSTC) کو کراچی و گوادر بندرگاہوں سے منسلک کرنے کے امکانات پر زور دیا۔ دوسری جانب روسی نائب وزیرِ خارجہ میخائل گالوزین نے پاکستانی قوم کو یومِ آزادی کی مبارکباد دی اور خلیجی بحران میں پاکستان کے ثالثانہ کردار سمیت اقوامِ متحدہ اور ایس سی او (SCO) میں اسلام آباد کی سفارتی کاوشوں کی تعریف کی Target۔ تقریب کو مزید دلکش بنانے کے لیے عالمی شہرت یافتہ پاکستانی ہائپر فوک بینڈ ‘خماریاں’ اور پرائیڈ آف پرفارمنس وائلن نواز ماسٹر رئیس خان نے اپنے فن کے مظاہرے سے حاضرین کو محظوظ کیا، جہاں مہمانوں نے روایتی پاکستانی کھانوں اور موسیقی سے خوب لطف اٹھایا۔