پاکستان، بیلاروس مشترکہ وزارتی کمیشن کا 9 واں اجلاس آج اسلام آباد میں ہوگا

پاکستان اور بیلاروس کے مشترکہ وزارتی کمیشن (JMC) کا 9 واں اجلاس اسلام آباد میں منعقد ہو رہا ہے، جس کے لیے بیلاروس کا 19 رکنی اعلیٰ سطحی وفد پاکستان پہنچ گیا ہے۔ اس سلسلہ میں منعقد ہونے والے تکنیکی اجلاس میں تجارت، صنعت، زراعت، بینکاری، محنت، ٹرانسپورٹ اور آئی ٹی سمیت اہم شعبوں میں دوطرفہ تعاون بڑھانے پر تفصیلی تبادلہ خیال کیا گیا۔ بیلاروس کے وزیر توانائی ڈزیانس ماروز کی قیادت میں آنے والے اس وفد کے ساتھ وزارتی اجلاس کی مشترکہ صدارت وفاقی وزیر تجارت جام کمال خان اور بیلاروسی وزیر توانائی کریں گے۔ اجلاس کے دوران دونوں ممالک کے وزرا کے خطابات اور دوطرفہ مذاکرات ہوں گے، جبکہ اختتام پر جے ایم سی پروٹوکول اور مختلف مفاہمتی یادداشتوں (MoUs) پر دستخط کیے جائیں گے۔