یو اے ای میں پاکستانی ہیلپ ڈیسک 24 گھنٹے فعال، کمیونٹی کو رابطے میں رہنے کی ہدایت

پاکستان کے سفیر شفقت علی خان نے متحدہ عرب امارات میں مقیم پاکستانی کمیونٹی کے لیے ایک خصوصی ویڈیو پیغام جاری کیا ہے۔ انہوں نے کہا کہ سفارتخانہ ابوظہبی اور قونصل خانہ دبئی کمیونٹی کی مدد کے لیے مکمل طور پر متحرک ہیں اور دونوں مشنز میں 24 گھنٹے فعال ہیلپ ڈیسک قائم کر دی گئی ہے تاکہ پاکستانی شہریوں کو فوری رہنمائی اور معاونت فراہم کی جا سکے۔ ہیلپ ڈیسک ویزا، سفر، دستاویزی امور اور دیگر ہنگامی مسائل کے حوالے سے بروقت معلومات فراہم کرے گا۔ سفیر نے پاکستانی شہریوں سے اپیل کی کہ وہ صرف سرکاری ذرائع سے رابطہ کریں اور غیر مصدقہ خبروں یا افواہوں سے گریز کریں۔