9ویں بین الاقوامی پاکستان آرمی ٹیم اسپرٹ مقابلوں کی افتتاحی تقریب

9 ویں بین الاقوامی پاکستان آرمی ٹیم اسپرٹ مقابلوں کی افتتاحی تقریب نیشنل کاؤنٹر ٹیررازم سینٹر پبی میں منعقد ہوئی۔ مقابلے میں 19 دوست ممالک کی 24 بین الاقوامی ٹیمیں اور فوجی مبصرین حصہ لے رہے ہیں۔

آئی ایس پی آر کے مطابق شریک ممالک میں بحرین، بنگلہ دیش، بیلاروس، مصر، عراق، اردن، سعودی عرب شامل ہیں، ملائیشیا، مالدیپ، مراکش، نیپال، قطر، سری لنکا، ترکیہ، امریکہ اور ازبکستان شامل ہیں۔

آئی ایس پی آر کاکہناہے کہ تقریب کا مقصد دوست افواج کے دستوں کے درمیان عسکری تعاون کو بڑھانا تھا، افتتاحی تقریب میں 60 گھنٹوں پر مشتمل پٹرولنگ ایکسرسائز کا باقاعدہ آغاز ہوگیا۔پٹرولنگ ایکسرسائز میں ایک سینئر عسکری افسر نے شرکت کی

مقابلوں میں انڈونیشیا، میانمار اور تھائی لینڈ مبصرین کے طور پر شریک ہیں، پاکستان آرمی اور پاکستان نیوی کی 16 ملکی ٹیمیں بھی مقابلے میں حصہ لے رہی ہیں، پاکستان ایئر فورس کے مبصرین بھی مشق کا حصہ ہیں۔

پاکستان آرمی ٹیم اسپرٹ ایک مشن پر مبنی پیشہ ورانہ فوجی مشق ہے، مشق کا انعقاد ہر سال پاکستان میں کیا جاتا ہے۔