ٹرمپ سے ملاقات کے ایجنڈے میں ایران سرفہرست ہوگا، نیتن یاہو

اسرائیلی وزیراعظم بنیامین نیتن یاہو نے اعلان کیا ہے کہ امریکی صدر ڈونلڈ ٹرمپ سے ان کی ہونے والی اہم ملاقات کے ایجنڈے میں ایران کا مسئلہ سرفہرست ہوگا۔ امریکا روانگی کے فوراً بعد سوشل میڈیا پر جاری اپنے ایک بیان میں نیتن یاہو نے کہا کہ صدر ٹرمپ سے ملاقات کے دوران دوطرفہ اور علاقائی اہمیت کے تمام اہم امور پر گفتگو کی جائے گی، جس میں ایران سرفہرست رہے گا۔ انہوں نے واضح کیا کہ ان کا بنیادی مقصد اسرائیل کی سلامتی، دفاعی طاقت اور ارد گرد کے علاقوں میں امن کے دائرے کو مزید وسعت دینا ہے۔ اسرائیلی وزیراعظم نے مزید بتایا کہ وہ امریکی صدر سے ملاقات میں اپنے اور اسرائیل کے دیرینہ اور سچے دوست سنٹر لنزے گراہم کی وفات پر تعزیت بھی کریں گے۔