ترکیہ کے ساتھ جنگ کی کوششیں، اسرائیلی اخبار کی نیتن یاہو پر تنقید

اسرائیلی اخبار “ہارٹز” نے شام میں ایئربیس پر حالیہ حملے کے فیصلے پر وزیراعظم بنیامین نیتن یاہو کو شدید تنقید کا نشانہ بناتے ہوئے کہا ہے کہ وہ اسرائیل کو ترکیے کے ساتھ ایک بے مقصد اور خطرناک جنگ میں دھکیلنے کا خطرہ مول لے رہے ہیں۔ اخبار کے مطابق ایسا دکھائی دیتا ہے کہ الیکشن سے قبل غزہ، لبنان یا مغربی کنارے میں کشیدگی بڑھانے کے بجائے نیتن یاہو نے شام میں ترکیے کے خلاف ایک نیا محاذ کھولنے کا فیصلہ کیا ہے۔ اگرچہ نیتن یاہو نے دعویٰ کیا ہے کہ یہ حملہ خطے میں ترکیے کی موجودگی کو روکنے کے لیے تھا، تاہم ترکیے اور خود امریکہ نے اس دعوے کو رد کرتے ہوئے موقف اختیار کیا ہے کہ اسرائیلی وزیراعظم محض الیکشن میں سیاسی فائدے کے لیے یہ کشیدگی پیدا کر رہے ہیں۔