ایرانی قیادت اس وقت کمزور ترین حالت میں ہے، نیتن یاہو کا دعویٰ

اسرائیلی وزیراعظم بنیامین نیتن یاہو نے دعویٰ کیا ہے کہ ایرانی قیادت اس وقت اپنی کمزور ترین حالت میں ہے اور محض اپنی بقا کی جنگ لڑ رہی ہے۔ تل ابیب میں اسرائیلی فوج کے جنرل سٹاف سے خطاب کرتے ہوئے نیتن یاہو نے کہا کہ ایران کی موجودہ حکومت کا خاتمہ اسرائیل کا مرکزی مقصد بن چکا ہے اور ایسا کرنا بالکل بھی ناممکن نہیں ہے۔ انہوں نے مزید کہا کہ اسرائیل کے پاس ایران سے لاحق سیکیورٹی خطرے کو ہمیشہ کے لیے ختم کرنے کی مکمل صلاحیت موجود ہے اور انہیں اپنی ان دفاعی صلاحیتوں پر کامل یقین ہے۔