نیپال اور تبت میں سیلاب کا چھٹا روز، ہلاکتیں 900 سے متجاوز، 4247 افراد لاپتہ

نیپال اور تبت کے سرحدی علاقے میں اچانک آنے والے تباہ کن سیلاب کے بعد ریسکیو آپریشن چھٹے روز بھی جاری ہے، جبکہ نیپال میں تصدیق شدہ ہلاکتوں کی تعداد بڑھ کر 903 ہو گئی ہے اور تبت میں 16 افراد جاں بحق ہو چکے ہیں۔ اطلاعات کے مطابق 3,655 نیپالی اور 592 غیر ملکیوں سمیت 4,247 افراد ابھی بھی لاپتہ ہیں، جن میں پن بجلی منصوبوں کے 933 کارکنان اور 102 سیکیورٹی و کسٹمز اہلکار شامل ہیں۔ تریشولی 3 اے پن بجلی منصوبے کے اندر داخلے کے لیے بڑا سوراخ بنا کر تلاشی کی کوششیں جاری ہیں مگر ابھی تک کوئی مثبت جواب نہیں ملا۔ دوسری جانب نیپال کی وزارتِ تعلیم کے مطابق سیلاب سے 19 اسکول متاثر یا مکمل تباہ ہو چکے ہیں جبکہ 200 سے زائد طلبہ لاپتہ اور تقریباً 20 طلبہ سیلابی ریلے میں بہہ گئے ہیں۔