آن لائن جنسی بلیک میلنگ و مالی فراڈ میں ملوث بین الاقوامی نیٹ ورک بے نقاب، 114 غیر ملکی گرفتار

این سی سی آئی اے اسلام آباد نے ایک بڑے کریک ڈاؤن کے دوران آن لائن جنسی بلیک میلنگ اور مالی فراڈ میں ملوث بین الاقوامی نیٹ ورک کو بے نقاب کرتے ہوئے 111 چینی اور 3 ویتنامی شہریوں سمیت کل 114 غیر ملکیوں کو گرفتار کر لیا ہے۔ حکام کے مطابق یہ ملزمان آئی ٹی کمپنی کی آڑ میں سائبر رومانس اور نازیبا آن لائن ویڈیو چیٹس کے ذریعے شہریوں کو پھانس کر بلیک میل اور مالی فراڈ کا نشانہ بناتے تھے۔ این سی سی آئی اے نے ملزمان کے خلاف پیکا ایکٹ اور تعزیراتِ پاکستان کی دفعات کے تحت مقدمہ درج کر کے تفتیش کا آغاز کر دیا ہے۔ پولیس اور تحقیقاتی ادارے گرفتار ملزمان کے ڈیجیٹل و مالیاتی نیٹ ورک کی چھان بین کر رہے ہیں جبکہ اس گروہ کے مزید سہولت کاروں اور متاثرین کی شناخت کے لیے تحقیقات کا دائرہ مزید وسیع کر دیا گیا ہے۔