قائمہ کمیٹی برائے داخلہ کے اجلاس میں ‘ڈرگ کوئین انمول پنکی’ کیس کی گونج
Web Desk
20 May 2026
اسلام آباد: قومی اسمبلی کی قائمہ کمیٹی برائے داخلہ کے حالیہ اہم اجلاس میں مبینہ طور پر منشیات کے کاروبار میں ملوث ‘ڈرگ کوئین انمول عرف پنکی’ کے کیس کا معاملہ شدت سے گونج اٹھا۔
اجلاس کے دوران چیئرمین کمیٹی نے انکشاف کیا کہ ملزمہ انمول پنکی کے وکیل نے عدالت میں پیشی کے دوران سابق وزیرِ اعظم راجہ پرویز اشرف کا نام لیا ہے۔ چیئرمین کمیٹی نے معاملے کی سنگینی کو دیکھتے ہوئے سندھ پولیس اور وفاقی تحقیقاتی ادارے (FIA) کے افسران کو اس پر فوری اور باقاعدہ جواب داخل کرنے کی ہدایت کی ہے۔معاملے کی بازگشت سنتے ہی سابق وزیرِ اعظم راجہ پرویز اشرف خود قائمہ کمیٹی کے اندر پیش ہوئے اور انہوں نے سوشل میڈیا پر چلنے والی خبروں اور اپنے نام کے استعمال پر تفصیلی موقف پیش کیا راجہ پرویز اشرف نے بتایا کہ مجھے جو پہلا ویڈیو کلپ ملا، اس میں میرا نام (راجہ پرویز صاحب/راجہ پرویز اشرف) لیا گیا تھا، جس کے بعد مجھے بہت سے لوگوں کی کالز آئیں کہ آپ کا نام اس معاملے میں کیسے آ گیا۔ انہوں نے مزید بتایا کہ محض ایک گھنٹے کے دوران مجھے اس ملزمہ کے وکیل کا دوسرا کلپ موصول ہوا، جس میں وکیل نے یہ اعتراف کیا کہ ‘انمول نے بتایا ہے کہ اس پر تشدد کیا جا رہا ہے تاکہ وہ راجہ پرویز اشرف کا نام لے’۔ سابق وزیرِ اعظم نے حیرت کا اظہار کرتے ہوئے کہا کہ میں خود حیران ہوں کہ سندھ میں ہماری اپنی (پیپلز پارٹی کی) حکومت ہے، وہاں آخر کوئی ایسا کیوں کرے گا اور کس کے ایما پر مجھ پر دباؤ ڈالنے کی کوشش کی جا رہی ہے؟ انہوں نے ڈیجیٹل میڈیا پر تنقید کرتے ہوئے کہا کہ ویلاگرز کو سوشل میڈیا پر اپنی ویڈیوز بیچنے کے لیے ایسی ہی مصالحے دار چیزیں اور جھوٹی سنسنی چاہیے ہوتی ہے۔راجہ پرویز اشرف نے کہا کہ میں نے اس غیر قانونی عمل کے خلاف قومی اسمبلی کے فلور پر بات کی، جس پر چیئرمین کمیٹی نے فوری طور پر نوٹس لیا، جس کا میں شکر گزار ہوں۔اپنے خطاب کے اختتام پر سابق وزیرِ اعظم نے زور دے کر کہا کہ اس طرح کی بے بنیاد کردار کشی اور ہتھکنڈوں کا تدارک کرنا اب ناگزیر ہو چکا ہے۔ اگر یہ سلسلہ مکمل طور پر ختم نہیں ہو سکتا، تو قانون سازی کے ذریعے اس کو ہر صورت محدود کرنا ہوگا
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026
کوئٹہ: مسافر کوچ اور ایل پی جی باؤزر میں تصادم، خاتون اور بچے سمیت 10 افراد جاں بحق
19 November 2026
پارٹی کیخلاف ہتک آمیز بیانات، مرکزی مسلم لیگ کا عظمیٰ بخاری کو ہرجانے کا نوٹس
19 November 2026