فٹ بال کی عالمی تنظیم (فیفا) نے قطر کے فٹبالر عاصم مدیبو پر ضابطہ اخلاق کی خلاف ورزی کرنے پر آئندہ 5 میچوں میں شرکت پر پابندی عائد کر دی ہے۔ کینیڈا کے خلاف کھیلے گئے میچ کے دوران عاصم مدیبو کو ایک خطرناک فاؤل پر ریڈ کارڈ دکھایا گیا تھا، جہاں ان کی شدید اور خطرناک ٹیکل کے نتیجے میں کینیڈین کھلاڑی اسماعیل کونے کی ٹانگ فریکچر ہو گئی تھی۔ فیفا قوانین کے مطابق عاصم مدیبو اس سزا کے خلاف فیفا اپیل کمیٹی کے سامنے اپیل دائر کرنے کا حق رکھتے ہیں۔ دوسری جانب، کینیڈین کھلاڑی اسماعیل کونے کی کامیاب سرجری کے بعد قطری حکام نے ہسپتال جا کر ان کی عیادت کی اور ان کے لیے نیک خواہشات کا اظہار کیا۔