صحت کارڈ کا بجٹ 51 ارب روپے، 3 سال میں 25 لاکھ افراد مستفید ہوئے: مزمل اسلم

مشیر خزانہ مزمل اسلم اور وزیر صحت خلیق الرحمان نے مشترکہ پریس کانفرنس کرتے ہوئے کہا ہے کہ صحت کا حق ہر شہری کی بنیادی ضرورت ہے۔ انہوں نے بتایا کہ روانہ سال صحت کارڈ کے لیے 51 ارب روپے مختص کیے گئے ہیں جبکہ گزشتہ تین سالوں میں 100 ارب روپے سے زائد رقم خرچ کی گئی جس سے 25 لاکھ افراد مستفید ہوئے۔ انہوں نے واضح کیا کہ لیور اور کڈنی ٹرانسپلانٹ جیسے مہنگے ترین علاج بھی مفت فراہم کیے جا رہے ہیں۔ پریس کانفرنس میں بتایا گیا کہ امسال صحت کے بجٹ میں 22 فیصد کا خاطر خواہ اضافہ کیا گیا ہے اور یونیورسل ہیلتھ انڈیکس جو 2015 میں 36.2 فیصد تھا، اب بڑھ کر 53.5 فیصد تک پہنچ چکا ہے۔ اس کے علاوہ 72 ہسپتالوں کو آؤٹ سورس کرنے، مریضوں کا تمام ریکارڈ ڈیجیٹلائز کرنے اور ادویات کی شفاف خریداری جیسے اقدامات کے ذریعے شعبہ صحت کو مزید مستحکم بنایا جا رہا ہے۔