وفاقی وزیر صحت مصطفیٰ کمال کا کراچی میں ایڈز پھیلنے کے واقعے پر سخت ایکشن

اسلام آباد: وفاقی وزیر صحت مصطفیٰ کمال نے پارلیمنٹ ہاؤس میں میڈیا سے گفتگو کرتے ہوئے کراچی کے ایک نجی اسپتال میں مبینہ طور پر غلط سرنجوں کے استعمال سے ایڈز (ایچ آئی وی) کے 84 کیسز رپورٹ ہونے کے واقعے پر گہری تشویش کا اظہار کرتے ہوئے فوری کارروائی کا اعلان کیا ہے۔

وزیر صحت نے بتایا کہ واقعے کی اطلاع ملتے ہی ڈی جی ہیلتھ کو کراچی روانہ کر دیا گیا ہے اور تمام متاثرہ مریضوں کو تلاش کر کے ان کا علاج اور مفت ادویات کی فراہمی شروع کر دی گئی ہے۔ انہوں نے واضح کیا کہ طبی شعبے میں کسی بھی قسم کی غفلت برداشت نہیں کی جائے گی اور غلط کام کرنے والوں کے خلاف سخت کارروائی ہوگی، تاہم جائز مسائل پر سب کی بات سنی جائے گی۔ نرسنگ کونسل سمیت دیگر انتظامی معاملات کو بھی طے شدہ طریقہ کار کے تحت حل کیا جائے گا۔

ایک سوال کے جواب میں مصطفیٰ کمال نے بانی پی ٹی آئی کی صحت سے متعلق گفتگو کرنے سے گریز کرتے ہوئے کہا کہ یہ ایک حساس معاملہ ہے اور اس حوالے سے معلومات کی فراہمی کی ذمہ داری وزیر اطلاعات کی ہے۔ انہوں نے مؤقف اپنایا کہ حساس نوعیت کے معاملات پر متضاد اطلاعات سے بچنے کے لیے خبر صرف ایک ہی مستند ذریعے سے آنی چاہیے