ملتان:اس ملک میں سچ بات بھی نہیں کی جاسکتی خالد محمود کھوکھر

ملتان میں میڈیا سے گفتگو کرتے ہوئے خالد محمود کھوکھر کا کہنا تھا کہ کاشتکار کی فی من گنے کی پیداواری لاگت چار سو ترپن روپے من ہے جبکہ ہمیں ریٹ چار سو روپے مل رہا ہے لیکن کوئی پوچھنے والا نہیں,ہمیں ہماری فصل کا مکمل معاوضہ تو نہیں ملتا لیکن شوگر ملز آئے روز چینی کی قیمتیں بڑھا رہی ہیں انہیں کوئی پوچھنے والا نہیں ہے,ان کا کہنا تھا کہ کپاس کی فصل پر جی ایس ٹی لگا دیا گیا جبکہ 1960 کے ایگریکلچر کمیشن کی رپورٹ کے بر خلاف کاٹن بیلٹ کو شوگر بیلٹ میں تبدیل کردیا گیا اگلے سال اگر یہی صورتحال رہی تو کپاس کاشت نہیں ہوگی,خالد محمود کھوکھر کا کہنا ہے ہم کاشتکار کو فصل کی امدادی قیمت دینے کی بات کرتے ہیں تو کہا جاتا ہے کہ آئی ایم ایف نہیں مانتا جبکہ آئی ایم ایف کی پاکستان میں کرپشن بڑھنے کی حالیہ رپورٹ پر کوئی نہیں بولنے کو تیار نہیں ہے

خالد محمود کھوکھر کا کہنا ہے کہ شوگر ملز کاشتکار سے تو چار سو روپے من گنا لی رہی ہیں لیکن چینی کی قیمت میں روز بروز اضافہ کررہی ہیں کاشتکاروں سے کہوں گا کہ اپنے گنے کو آگ لگا دیں شوگر ملز کو نا بیچیں اتنی قیمت سے تو کاشتکار کی پیداواری لاگت ہی پوری نہیں ہوتی