ملتان: ثانیہ زہرا قتل کیس مرکزی ملزم اور مقتولہ کے شوہرکو سزائے موت کی سزا

ملتان: ثانیہ زہرا قتل کیس کا فیصلہ سنا دیا گیا

ایڈیشنل ڈسٹرکٹ اینڈ سیشن جج محسن علی خان نے مقدمہ کا فیصلہ سناتے ہوئے مرکزی ملزم اور مقتولہ کے شوہر سید علی رضا کو سزائے موت جبکہ ساس عذرا پروین اور دیور حیدر علی شاہ کو عمر قید کی سزا سنادی۔ عدالت نے تین ملزمان جیون علی شاہ، کنول اور مدیحہ کو بری کر دیا۔مقتولہ ثانیہ زہرا کی پھندا لگی لاش 9 جولائی 2024 کو گھر کے کمرے سے ملی تھی، مقدمہ اسد عباس شاہ کی مدعیت میں تھانہ نیو ملتان میں درج ہوا۔ کیس ایک سال چار ماہ تک زیر سماعت رہا اور 42 گواہوں کی شہادتیں قلمبند کی گئیں۔ عدالتی حکم پر قبر کشائی بھی کی گئی جبکہ جے آئی ٹی نے تفتیش مکمل کی۔ مرکزی ملزم علی رضا کو پولیس حراست میں عدالت میں پیش کیا گیا۔ مقتولہ کے دو ننھے بچے ہیں۔