مراکش نے 650 میل طویل ساحلی شاہراہ کو ٹرمپ کے نام سے منسوب کردیا

مراکش کے بادشاہ محمد ششم نے ایک شاہی فرمان کے ذریعے ملک کی 650 میل (1055 کلومیٹر) طویل ساحلی شاہراہ کو امریکی صدر ڈونلڈ ٹرمپ کے نام سے منسوب کر دیا ہے۔ عرب میڈیا کی رپورٹس کے مطابق، تزنیت سے جنوبی شہر داخلہ تک پھیلی اس اہم شاہراہ کا نیا نام باضابطہ طور پر ڈونلڈ جے ٹرمپ ایکسپریس وے رکھ دیا گیا ہے۔

تقریباً ایک ارب امریکی ڈالر کی لاگت سے تیار ہونے والی یہ اہم شاہراہ، جسے پہلے تزنیت-داخلہ ایکسپریس وے کے نام سے جانا جاتا تھا، خطے کی معاشی اور تجارتی سرگرمیوں میں بنیادی حیثیت رکھتی ہے۔

اس عظیم الشان اعزاز پر ردعمل دیتے ہوئے امریکی صدر ڈونلڈ ٹرمپ نے شاہ مراکش محمد ششم کا شکرگزارانہ پیغام میں شکریہ ادا کیا ہے۔ انہوں نے اس فیصلے کو ایک بڑا اعزاز قرار دیتے ہوئے امید ظاہر کی ہے کہ انہیں جلد ہی اس شاندار شاہراہ پر ذاتی طور پر سفر کرنے کا موقع ملے گا۔