نئے ایرانی سپریم لیڈر کے زخمی ہونے کی اطلاعات، ایرانی صدر کے بیٹے کا ردعمل سامنے آگیا

ایران کے نئے سپریم لیڈر مجتبیٰ خامنہ ای کے زخمی ہونے کی خبریں سامنے آئی ہیں، تاہم قریبی ذرائع کے مطابق وہ محفوظ اور خیریت سے ہیں۔

غیر ملکی خبر رساں ادارے کے مطابق ایرانی صدر کے بیٹے یوسف پزشکیان نے اپنے ٹیلی گرام پیغام میں کہا کہ انہیں اطلاع ملی تھی کہ مجتبیٰ خامنہ ای زخمی ہو گئے ہیں۔انہوں نے بتایا کہ اس خبر کے بعد انہوں نے اپنے ایسے دوستوں سے رابطہ کیا جن کے متعلقہ حلقوں میں روابط موجود تھے، جنہوں نے تصدیق کی کہ الحمدللہ مجتبیٰ خامنہ ای محفوظ اور خیریت سے ہیں۔یہ اطلاعات ایسے وقت میں سامنے آئی ہیں جب ایران میں حالیہ علاقائی کشیدگی کے باعث مختلف قیاس آرائیاں گردش کر رہی ہیں۔