مجتبیٰ خامنہ ای کسی فرد یا ادارے سے رابطے میں نہیں، غلام علی حداد

ایران کے سابق اسپیکر پارلیمنٹ غلام علی حداد عادل کا کہنا ہے کہ ایرانی سپریم لیڈر مجتبیٰ خامنہ ای اس وقت فی الحال کسی بھی فرد یا ادارے سے رابطے میں نہیں ہیں، تاہم وہ خدا کے فضل سے بالکل خیریت سے ہیں۔ سابق سپریم لیڈر علی خامنہ ای کی نمازِ جنازہ میں مجتبیٰ خامنہ ای کی عدم شرکت سے متعلق سوال کا جواب دیتے ہوئے انہوں نے انکشاف کیا کہ بعض مخصوص وجوہات کی بنا پر وہ فی الوقت رابطوں سے دور ہیں۔ انہوں نے مزید بتایا کہ مجتبیٰ خامنہ ای ایک دینی طالب علم رہے ہیں اور ان کی آمدن کا واحد ذریعہ وہی معمول کا وظیفہ رہا ہے جو دینی مدارس کے طلبہ کو فراہم کیا جاتا ہے۔