آیت اللہ خامنہ ای کے بیٹے مجتبیٰ خامنہ ای کو ایران کا نیا سپریم لیڈر مقرر کردیا گیا

تہران: ایرانی مجلس خبرگان نے اعلان کیا ہے کہ آیت اللہ خامنہ ای کے بیٹے مجتبیٰ خامنہ ای کو ایران کا نیا سپریم لیڈر مقرر کر دیا گیا ہے۔ مجلس خبرگان نے ایرانی عوام سے نئے رہبر کے ساتھ وفاداری اور قومی اتحاد برقرار رکھنے کی اپیل کی ہے۔

رپورٹس کے مطابق، سپریم لیڈر کے باضابطہ اعلان میں سیکیورٹی خدشات کے باعث تاخیر ہوئی، جبکہ عرب اور برطانوی میڈیا نے بھی نئے رہبر کے انتخاب کی تصدیق کی تھی۔ اسرائیلی فوج نے فارسی میں دھمکی دی ہے کہ وہ نئے رہبر کے تعاقب میں ہیں۔

مجلس خبرگان نے بیان میں کہا کہ غیر معمولی اجلاس کے بعد، آئین کے آرٹیکل 108 اور 111 کی شرعی و آئینی ضوابط کے مطابق، مجتبیٰ خامنہ ای کو مقدس نظام جمہوری اسلامی ایران کے تیسرے رہبر کے طور پر متعارف کرایا گیا ہے اور عوام سے بیعت اور اتحاد قائم رکھنے کی تاکید کی گئی ہے۔