محسن نقوی سے چین اور ترکیہ سے تربیت یافتہ اے ایس پیز کی ملاقات

وفاقی وزیر داخلہ محسن نقوی سے چین اور ترکیہ سے تربیتی کورس مکمل کر کے آنے والے ASPs کے اعلیٰ سطحی وفد نے ملاقات کی، جس میں جدید پولیسنگ، سرویلنس سسٹمز، جدید آلات اور انویسٹی گیشن کی تکنیکس پر تفصیلی تبادلہ خیال کیا گیا۔ وزیر داخلہ نے بیرونی ممالک کی طرز پر پولیس افسران کے لیے غیر ملکی تربیتی پروگرامز کو پیشہ ورانہ تربیت کا مستقل حصہ بنانے کا اعلان کیا ہے۔ انہوں نے بتایا کہ اسلام آباد میں چین کی طرز پر پائلٹ پراجیکٹ کے تحت ایک جدید اء انفورسمنٹ انویسٹی گیشن سنٹر قائم کیا جائے گا، جہاں ڈیٹنشن، انویسٹی گیشن اور سمری ٹرائل کی تمام سہولیات 01 ہی چھت تلے میسر ہوں گی تاکہ معمولی نوعیت کے مقدمات کا فوری تصفیہ ہو سکے۔ علاوہ ازیں، وزارت داخلہ کے ایوی ایشن ونگ میں جدید ڈرونز کی شمولیت، نیشنل پولیس اکیڈمی میں سپیشلائزڈ انویسٹی گیشن رومز کے قیام اور انٹرپولیٹنگ/انٹیروگیشن کو بطور سپیشلائزڈ مضمون متعارف کرانے کی بھی منظوری دی گئی۔ اس اجلاس میں کمانڈنٹ نیشنل پولیس اکیڈمی، ڈی جی ایف آئی اے (DG FIA) اور دیگر سینئر حکام نے بھی شرکت کی۔