امریکی معیشت کیلئے تاریک مہینے آنے والے ہیں، ایرانی نائب صدر

ایرانی نائب صدر محمد رضا عارف نے امریکہ کو شدید انتباہ جاری کرتے ہوئے کہا ہے کہ امریکی معیشت کے لیے آنے والے تمام مہینے انتہائی تاریک اور مشکل ثابت ہوں گے۔ انہوں نے کسی بھی ممکنہ امریکی عسکری جارحیت کی صورت میں سخت اور فیصلہ کن جواب دینے کا اعلان کیا اور واضح کیا کہ ایران کا سیکیورٹی اور دفاعی نظام پہلے سے کہیں زیادہ جدید اور فعال ہو چکا ہے۔ انہوں نے مزید کہا کہ ایران کا دندان شکن ردعمل کسی بھی حملہ آور کو ہر قسم کے تحفظ سے مکمل طور پر محروم کر دے گا، اس لیے امریکیوں کو ابھی سے پٹرول اور ایندھن کا ذخیرہ شروع کر دینا چاہیے۔