سابق چیف سلیکٹر محمد الیاس کو لاہور میں سپردِ خاک کردیا گیا

سابق چیف سلیکٹر اور سابق ٹیسٹ کرکٹر محمد الیاس کو لاہور میں سپردِ خاک کر دیا گیا۔ ان کی نمازِ جنازہ غالب مارکیٹ گلبرگ کی مسجد میں ادا کی گئی، جس میں کرکٹرز سمیت مختلف شعبہ ہائے زندگی سے تعلق رکھنے والے افراد نے بڑی تعداد میں شرکت کی۔

محمد الیاس 79 برس کی عمر میں جگر کے عارضے کے باعث لاہور میں انتقال کر گئے تھے۔ نمازِ جنازہ میں سابق قومی کپتان مصباح الحق، سابق ٹیسٹ کرکٹر ذاکر خان، ہمایوں فرحت اور اعزاز چیمہ کے علاوہ پاکستان کرکٹ بورڈ کا عملہ، عزیز و اقارب اور شہریوں کی بڑی تعداد شریک ہوئی۔

نمازِ جنازہ کے بعد مرحوم کو میانی صاحب قبرستان میں سپردِ خاک کر دیا گیا۔