شہید رہبر آیت اللہ خامنہ ای نے ہمیں شہادت اور شجاعت سکھائی: باقر قالیباف

ایرانی مجلس (پارلیمنٹ) کے اسپیکر محمد باقر قالیباف نے شہید رہبر کو شاندار الفاظ میں خراجِ تحسین پیش کرتے ہوئے کہا ہے کہ انہوں نے اپنے اقوال، کردار اور روزمرہ کے عمل سے پوری قوم اور بااثر قیادت کی تربیت کی۔

ایرانی اسپیکر کا کہنا تھا کہ شہید رہبر نے ہمیں نہ صرف حق کی راہ میں شہادت اور شجاعت کا درس دیا بلکہ باہمی وحدت، معاف کرنے کے حوصلے اور اپنے پاؤں پر خود مختاری کے ساتھ کھڑے ہونے کے بنیادی اصول سکھائے۔

شہید رہبر نے عمل سے سکھایا کہ ایک حقیقی عوامی اور جمہوری حکومت کی تعریف کیا ہوتی ہے اور عوام کے حقوق کا تحفظ کیسے کیا جاتا ہے۔ انہوں نے قوم کو استعمار کی مخالفت، بین الاقوامی دباؤ کے خلاف مزاحمت اور فیصلے سازی میں معقولیت (عقلمندی) کے تصورات سے روشناس کرایا۔”

ایرانی اسپیکر کے اس بیان نے ایک بار پھر شہید رہبر کے افکار اور ان کی دی ہوئی فکری و سیاسی تعلیمات پر قائم رہنے کے عزم کا اعادہ کیا ہے۔