مودی سرکار کا کشمیر، منی پور کے بعد نئی دہلی میں شہریوں پر پیلٹ گن کا وحشیانہ استعمال

کشمیر اور منی پور کے بعد مودی حکومت نے بھارتی دارالحکومت نئی دہلی میں بھی نہتے شہریوں کے خلاف پیلٹ گن کا استعمال شروع کر دیا ہے۔ غیر ملکی خبر ایجنسی کے مطابق، بھارتی اپوزیشن رہنما راہول گاندھی نے احتجاج کے دوران پیلٹ گن کے چھرے لگنے سے زخمی ہونے والے ایک نوجوان کو میڈیا کے سامنے پیش کیا، جس کی پولیس فائرنگ کے باعث آنکھ ضائع ہو چکی ہے۔ راہول گاندھی نے حکومت پر شدید تنقید کرتے ہوئے کہا کہ پولیس کی جانب سے ہزاروں بھارتی نوجوانوں پر لاٹھی چارج کیا گیا اور انہیں بدترین تشدد کا نشانہ بنایا گیا ہے۔

اسی دوران کانگریس رہنما پریانکا گاندھی نے اپنے بیان میں کہا کہ وزیرِ تعلیم کا استعفیٰ سراسر احتجاجی طلبہ کی بڑی کامیابی ہے۔ انہوں نے الزام عائد کیا کہ آر ایس ایس (RSS) پورے تعلیمی نظام پر مکمل کنٹرول حاصل کرنا چاہتی ہے، تاہم انہوں نے واضح کیا کہ ملک کے باشعور نوجوانوں کی آواز کو فورسز کے ذریعے دبایا نہیں جا سکتا۔