میر رضا قبر کشائی اور میت کی دوبارہ تدفین کا عمل مکمل

کراچی کی ڈسٹرکٹ اینڈ سیشن عدالت کے حکم پر میر رضا کی قبر کشائی کا عمل مکمل کر لیا گیا ہے اور طبی معائنے کے بعد میت کو دوبارہ احترام کے ساتھ تدفین کر دیا گیا ہے۔

ڈاکٹروں اور فارنزک ماہرین کی خصوصی میڈیکل ٹیم نے سیکیورٹی اور عدالتی نمائندوں کی موجودگی میں قبر کشائی کی۔ اس دوران میت سے کیمیکل ایگزامینیشن (Chemical Examination) اور ڈی این اے (DNA) تجزیے کے لیے ضروری اجزا اور نمونے حاصل کر لیے گئے ہیں۔ طبی ٹیم کے مطابق تمام نمونوں کو مکمل قانونی اور سائنسی طریقہ کار کے تحت حاصل کر کے محفوظ کر لیا گیا ہے تاکہ انہیں مزید تجزیے کے لیے لیبارٹری بھجوایا جا سکے۔

اجزا حاصل کرنے کے فوری بعد قبر کشائی کا عمل باضابطہ طور پر مکمل کر لیا گیا، جس کے بعد میر رضا کی میت کی دوبارہ تدفین عمل میں لائی گئی۔ تدفین کے بعد موقع پر موجود لواحقین اور دیگر افراد نے مرحومات کی مغفرت کے لیے فاتحہ خوانی بھی کی۔