خطے میں کشیدگی، مشرق وسطیٰ میں امریکی ایف-35 طیاروں کی فضائی نگرانی تیز

مشرقِ وسطیٰ میں بڑھتی ہوئی علاقائی کشیدگی کے پیشِ نظر امریکی فضائیہ نے فضائی نگرانی اور گشت کے عمل کو مزید تیز کر دیا ہے۔ اس سلسلے میں امریکی ایف-35 اسٹیلتھ لڑاکا طیارے خطے کی فضائی حدود میں مسلسل گشت کر رہے ہیں، جنہیں طویل پروازوں کے دوران فضا میں ہی سی-135 ٹینکر طیارے کے ذریعے ایندھن (فولڈنگ) فراہم کیا گیا۔ امریکی سینٹرل کمانڈ (سینٹ کام) نے اس فضائی آپریشن کی ایک باقاعدہ ویڈیو بھی جاری کی ہے، جس میں اسٹیلتھ لڑاکا طیاروں کو دورانِ پرواز ایندھن بھرنے کے پیچیدہ عمل سے گزرتے ہوئے دیکھا جا سکتا ہے۔ دفاعی ماہرین کے مطابق یہ سرگرمیاں خطے کی نازک سکیورٹی صورتحال کے تناظر میں امریکی فوجی تیاریوں کو برقرار رکھنے اور اتحادیوں کو سکیورٹی کا یقین دلانے کا اہم حصہ ہیں۔