سعودی ولی عہد اور فرانسیسی صدر میں رابطہ، خطے کی صورتحال پر تبادلہ خیال

سعودی عرب کے ولی عہد شہزادہ محمد بن سلمان اور فرانس کے صدر ایمانویل میکرون کے درمیان ٹیلیفونک رابطہ ہوا ہے، جس میں خطے کی تازہ ترین صورتحال اور امن و استحکام کے فروغ کے لیے جاری کوششوں پر تفصیلی تبادلہ خیال کیا گیا۔ بات چیت کے دوران بحری جہاز رانی کی سلامتی، سمندری راستوں پر آزادانہ آمدورفت کو یقینی بنانے اور دونوں ممالک کے درمیان دوطرفہ تعلقات کو مختلف شعبوں میں مزید وسعت دینے کے طریقوں پر بھی غور کیا گیا۔ رہنماؤں نے باہمی دلچسپی کے متعدد علاقائی اور بین الاقوامی امور پر بھی اپنے خیالات کا اظہار کیا۔