میئر کراچی کی قدیم سوامی نارائن مندر آمد، ہندو برادری کو دیوالی کی مبارکباد دی

میئر کراچی بیرسٹر مرتضیٰ وہاب نے دیوالی کے تہوار کے موقع پر صدر میں واقع تاریخی سوامی نارائن مندر کا اپنے اہل خانہ کے ہمراہ دورہ کیا اور ہندو برادری کو دیوالی کی مبارکباد پیش کی سانحہ میں شریک ہندو شہریوں میں مٹھائی تقسیم کی۔ اس موقع پر گفتگو کرتے ہوئے میئر کراچی نے کہا کہ ہم تمام مذاہب کی خوشیوں اور تہواروں میں برابر کے شریک ہیں اور کراچی کا ثقافتی تنوع شہر کی اصل خوبصورتی ہے۔ انہوں نے اس بات پر زور دیا کہ سندھ کی دھرتی نے ہمیشہ اقلیتوں کے حقوق، مذہبی آزادی اور رواداری کے فروغ کو ترجیح دی ہے اور پاکستان میں تمام اقلیتوں کو اپنے مذہبی تہوار آزادی اور خوشی کے ساتھ منانے کا مکمل حق حاصل ہے۔ بیرسٹر مرتضیٰ وہاب نے اقلیتوں کے تحفظ اور بین المذاہب ہم آہنگی کے فروغ کو مشترکہ ذمہ داری قرار دیتے ہوئے دعا کی کہ دیوالی کا یہ تہوار ہندو برادری کے لیے امن اور خوشحالی کا باعث بنے۔ بعد ازاں میئر کراچی نے کے ایم سی کے مرکزی دفتر میں منعقدہ فائر ورکس کی تقریب میں بھی شرکت کی۔