امریکا کے سابق ڈائریکٹر جو کینٹ کا ایران کیخلاف فوجی کارروائی نہ کرنے کا مطالبہ

امریکی انسدادِ دہشت گردی مرکز (NCTC) کے سابق ڈائریکٹر جو کینٹ نے امریکہ پر زور دیا ہے کہ حکومت اسرائیلی لابی کے اثر و رسوخ کے بجائے اپنے ان عوام کی آواز سنے جو ایران کے ساتھ جنگ کا خاتمہ چاہتے ہیں۔ مارچ 2026ء میں ایران کے خلاف جنگی پالیسی کی مخالفت کرتے ہوئے اپنے عہدے سے مستعفی ہونے والے جو کینٹ نے انکشاف کیا کہ اسرائیلی حکومت اور اس کی حمایتی لابیوں نے بے بنیاد دعووں کے ذریعے امریکہ کو ایران کے ساتھ جنگ کی طرف دھکیلا، حالانکہ امریکی انٹیلی جنس تحقیقات میں ان دعووں کی تصدیق نہیں ہوئی تھی۔ ان کا کہنا تھا کہ امریکی عوام ایران کے خلاف مزید فوجی کارروائی کے سخت مخالف ہیں اور انہوں نے حالیہ وسط مدتی انتخابات کے ذریعے حکومت کو اس جنگ کو فوری طور پر ختم کرنے کا واضح پیغام دے دیا ہے۔