میں شہبازشریف کی ایکسٹینشن ہوں، مریم نواز

وزیراعلیٰ پنجاب مریم نواز نے ایون فیلڈ پہنچنے پر میڈیا سے گفتگو کرتے ہوئے کہا کہ ان کی حکومت نے کارکردگی میں شہباز شریف کا ریکارڈ نہیں توڑا بلکہ وہ دراصل ان کی ایکسٹینشن ہیں۔

مریم نواز نے کہا کہ پنجاب کے عوام کی جانب سے جو محبت اور اعتماد ملا، وہ میری توقعات سے کہیں زیادہ ہے، عوام کی خدمت ہی میرا اصل مشن ہے۔

انہوں نے مزید کہا کہ بھارت کے حملے کے بعد جس طرح بھرپور جواب دیا گیا، اس کا کریڈٹ فیلڈ مارشل عاصم منیر کی قیادت اور پاک فوج کو جاتا ہے۔

وزیراعلیٰ مریم نواز نے کہا کہ آرمی چیف فیلڈ مارشل عاصم منیر نے زبردست قیادت فراہم کی، اب پوری دنیا پاکستان کی بات کو سن اور سمجھ رہی ہے۔

انہوں نے کہا کہ بھارت کو شکست دینے کے بعد عالمی برادری پاکستان کو ایک نئے، مضبوط اور پُر اعتماد رویّے کے ساتھ دیکھ رہی ہے، جو ہماری قومی یکجہتی اور مؤثر قیادت کا نتیجہ ہے۔