مارک واہ بابراعظم کی بگ بیش لیگ کارکردگی سے ناخوش، ڈراپ کرنے کا مشورہ دے دیا

سابق آسٹریلوی کرکٹر مارک واہ نے پاکستان کے اسٹار بیٹر بابراعظم کی بگ بیش لیگ میں کارکردگی پر سخت تنقید کرتے ہوئے انہیں ڈراپ کرنے کا مشورہ دے دیا ہے۔

مارک واہ کا کہنا تھا کہ سڈنی سکسرز کی ٹیم مجموعی طور پر اچھی کارکردگی کا مظاہرہ نہیں کر پا رہی اور ٹیم کو زیادہ تر اسٹیو اسمتھ پر انحصار کرنا پڑ رہا ہے۔

انہوں نے کہا کہ بابراعظم ایک ورلڈ کلاس کھلاڑی ہیں، تاہم موجودہ ٹورنامنٹ میں وہ توقعات کے مطابق پرفارم نہیں کر سکے۔ اگر فیصلہ ان کے ہاتھ میں ہوتا تو وہ بابراعظم کو ڈراپ کرنے پر غور کرتے۔

مارک واہ نے سکسرز کی انتظامیہ کو مشورہ دیتے ہوئے کہا کہ اگر ٹیم بگ بیش لیگ کا ٹائٹل جیتنا چاہتی ہے تو اوپننگ کمبی نیشن میں تبدیلی ناگزیر ہے۔