مرینہ خان نےسفید بال رکھنے کی وجہ بتا دی

پاکستان شوبز انڈسٹری کی سینئر اداکارہ مرینہ خان نے پہلی بار اپنے سفید بال ڈائی نہ کرنے کی دلچسپ وجہ اور اس کے پیچھے چھپا واقعہ بیان کر دیا ہے۔ ایک حالیہ انٹرویو کے دوران انہوں نے بتایا کہ بال رنگنے سے پرہیز کی سب سے بڑی وجہ ان کی سستی ہے، کیونکہ ایک بار بال ڈائی کروانے کے بعد بار بار ٹچ اَپ کا مرحلہ ان سے برداشت نہیں ہوتا۔ مرینہ خان نے مزید انکشاف کیا کہ بچپن میں سکول کے فنکشن کے دوران اپنی والدہ کے خوبصورت سفید بالوں کو دیکھ کر انہیں احساس ہوا تھا کہ سفید بال بھی شخصیت کا حسن ہو سکتے ہیں۔ انہوں نے کہا کہ اگرچہ انہوں نے کبھی کبھار بال ڈائی کیے ہیں، لیکن وہ اپنی قدرتی لک میں زیادہ پرسکون محسوس کرتی ہیں۔