بارکھان: رکھنی میں غیر ملکی سگریٹ اسمگلنگ کی بڑی کوشش ناکام

فیڈرل بورڈ آف ریونیو (ایف بی آر) کی کسٹم انفورسمنٹ ٹیم نے غیر ملکی سگریٹ اسمگل کرنے کی بڑی کوشش ناکام بنا دی۔

ایف بی آر کے مطابق بارکھان کے علاقے رکھنی کے قریب ایک ہینو ٹرک کی تفصیلی تلاشی کے دوران غیر ملکی سگریٹس کے 188 کارٹن برآمد ہوئے۔ابتدائی تخمینے کے مطابق، ضبط شدہ سگریٹس کی مالیت تقریباً دو کروڑ پینتیس لاکھ روپے ہے، جب کہ اسمگلنگ میں استعمال ہونے والی گاڑی سمیت ضبط کی گئی اشیا کی کل مالیت تین کروڑ پچاسی لاکھ روپے بنتی ہے۔ایف بی آر کے مطابق، ضبط شدہ سامان اور گاڑی کو کسٹمز ایکٹ 1969 کے تحت قانونی کارروائی کے لیے کسٹمز گودام منتقل کر دیا گیا ہے۔ترجمان ایف بی آر نے کہا کہ ادارہ اسمگلنگ کی روک تھام، قومی محصولات کے تحفظ اور قانونی تجارت کے فروغ کے لیے پرعزم ہے