وزیراعلیٰ پنجاب مریم نواز کی صاحبزادی ماہ نور صفدر کا نکاح اذان جبار سے طے پا گیا

لاہور: وزیراعلیٰ پنجاب مریم نواز شریف کی صاحبزادی ماہ نور صفدر کا باضابطہ نکاح معروف صنعت کار جبار خالد کے صاحبزادے اذان جبار سے طے پا گیا ہے۔

ذرائع کے مطابق دولہا اذان جبار کا تعلق ایک ممتاز صنعتی خاندان سے ہے، جبکہ ان کے والد جبار خالد ملک کی فلور ملنگ انڈسٹری سے وابستہ ایک معروف بزنس مین اور صنعت کار ہیں۔

 ماہ نور صفدر اور اذان جبار کے نکاح کی باوقار تقریب 12 ستمبر کو شام 5 بجے شریف خاندان کی رہائش گاہ جاتی امرا (رائے ونڈ) میں منعقد کی جائے گی۔ ذرائع کا کہنا ہے کہ نکاح کی تقریب کو مکمل طور پر سادگی اور نجی انداز میں رکھنے کا فیصلہ کیا گیا ہے، جس میں صرف شریف خاندان کے افراد، قریبی رشتہ داروں اور عزیز و اقارب کو مدعو کیا گیا ہے۔