بائیں بازو کے رہنما لوئس سلوا چوتھی بار برازیل کے صدر منتخب

برازیل کے بائیں بازو کے سینئر رہنما لوئس اناسیو لولا دا سلوا صدارتی انتخابات کے دوسرے اور حتمی مرحلے میں تاریخی کامیابی حاصل کر کے چوتھی بار ملک کے صدر منتخب ہو گئے ہیں۔

رسمی انتخابی نتائج کے مطابق لوئس لولا دا سلوا نے 51.75 فیصد ووٹ حاصل کر کے فتح اپنے نام کی، جبکہ ان کے حریف اور دائیں بازو کے رہنما جائر بولسونارو کے حصے میں 48.25 فیصد ووٹ آئے۔ اتوار کو پولنگ کے دوران ایک غیر معمولی پیشرفت اس وقت سامنے آئی جب ملک کی سپریم کورٹ نے سفری اور ٹرانسپورٹ کی شدید مشکلات کے پیشِ نظر ووٹنگ کا وقت 2 گھنٹے بڑھانے کا حکم دیا، جس کے تحت شام 7 بجے تک ووٹ کاسٹ کیے گئے۔

لوئس اناسیو لولا دا سلوا اس سے قبل 2003ء سے 2011ء تک مسلسل دو بار برازیل کے صدر رہ چکے ہیں اور بعد ازاں 2023ء میں تیسری بار اقتدار میں آئے تھے۔ اس تازہ ترین اور شاندار کامیابی کے بعد وہ برازیل کی تاریخ میں چار مرتبہ صدر منتخب ہونے والے پہلے رہنما بن گئے ہیں۔