LIVE TV
Watch Now
Gold:
Intl: /g (22K) PK: /g (22K)
Stocks:
NY:
China:
Pakistan:
India:
TV ONE Logo
اہم خبریں
آئی ایم ایف کا یوکرین کو 690 ملین ڈالر قرض فراہم کرنے کا اعلان چین نے جاپانی کے نام نہاد تحفظات کو بے بنیاد قرار دیتے ہوئے مسترد کر دیا فلائی دبئی کی شام کے شہر حلب کیلئے روزانہ براہ راست پروازیں شروع اسرائیلی فوج کا غزہ میں مکان پر فضائی حملہ، فلسطینی میاں بیوی 4 بچوں سمیت شہید ایران جنگ میں امریکا کو جھونکنے والا اسرائیل پیچھے ہوگیا یوکرینی صدر نے فوج کے کمانڈر اِن چیف کو عہدے سے برطرف کر دیا ٹرمپ نے لبنان کیلئے براہ راست امریکی پروازیں بحال کرنے کی منظوری دے دی اربیل ایئرپورٹ میں سکیورٹی خدشات کے پیشِ نظر تمام پروازیں عارضی طور پر معطل ایرانی وزیر داخلہ کی وزیر اعظم سے ملاقات، شہباز شریف کا خلیج میں حالیہ کشیدگی پر گہری تشویش کا اظہار کویت نے آئل ٹینکر پر حملے کے خلاف ایرانی سفیر کو طلب کرلیا نیویارک میں پاکستانی قونصلیٹ کی تارکینِ وطن کے لیے جعل سازوں کے حوالے سے الرٹ جاری بحری ناکہ بندی کے دوران 8 تجارتی جہازوں کا رخ موڑ دیا، ایک ناکارہ بنا دیا: سینٹ کام قطر کا حملوں سے نقصانات کے ازالے کیلئے ایران سے ہرجانہ ادا کرنے کا مطالبہ ایران کا خطے میں امریکی اڈوں پر تابڑ توڑ حملوں، ریڈار سسٹم تباہ کرنے کا دعویٰ امریکی صدر ٹرمپ نے نطنز کے پہاڑوں میں ایرانی ایٹمی مرکز پر حملے کی دھمکی دے دی

فرانسیسی شہری کا انوکھا کارنامہ، 1000 لیپ ٹاپ بیٹریوں سے 8 سال تک گھر کو بجلی کی فراہمی

Web Desk

19 November 2025

پیرس: ایک باصلاحیت فرانسیسی شہری نے سولر پینلز اور ایک ہزار سے زائد استعمال شدہ لیپ ٹاپ بیٹریوں کی مدد سے اپنے پورے گھر کو مسلسل 8 برس تک بجلی فراہم کرکے سب کو حیران کر دیا۔ یہ منفرد نظام نہ صرف خود کفالت کی مثال ہے بلکہ الیکٹرانک فضلے کی ری سائیکلنگ کا بھی زبردست نمونہ بن گیا ہے۔

غیر ملکی میڈیا کے مطابق یہ منصوبہ 2016 میں ایک انٹرنیٹ فورم پر شیئر کیے گئے آئیڈیا سے شروع ہوا، جہاں “گلوبکس” نامی صارف نے سالوں تک پرانی لیپ ٹاپ بیٹریاں جمع کیں اور انہیں سولر پینلز کے ساتھ جوڑ کر ایک مکمل پاور سسٹم تیار کیا۔ اس منفرد تجربے کو عالمی سطح پر خوب پذیرائی ملی۔

گلوبکس نے نومبر 2016 میں بتایا تھا کہ وہ پہلے ہی اپنی چھت پر نصب 1.4 کلو واٹ سولر پینلز اور 24 وولٹ 460 اے ایچ فورک لفٹ بیٹری کے ذریعے بجلی پیدا کر رہے تھے۔ اس کے بعد انہوں نے لیپ ٹاپ بیٹریاں جمع کرنا شروع کیں جن کی تعداد ابتدا میں 650 تک پہنچ گئی۔

وقت کے ساتھ انہوں نے 1000 سے زائد سیکنڈ ہینڈ لیپ ٹاپ بیٹریاں یکجا کیں اور انہیں گھر سے 50 میٹر دور ایک چھوٹے گودام میں نصب کیا۔ مختلف حالت کی بیٹریوں کے باعث ڈسچارج ریٹ برابر نہ تھا، جس پر انہوں نے تمام بیٹریاں خود کھول کر نئی ترتیب میں خود ساختہ ریکس میں فٹ کیں۔

رپورٹ کے مطابق گلوبکس کا یہ متاثرکن سیٹ اپ گزشتہ 8 برس سے بغیر کسی سیل فیل ہونے کے مسلسل کام کر رہا ہے۔ سالوں کے دوران انہوں نے مزید سولر پینلز شامل کیے، جس سے توانائی پیدا کرنے کی صلاحیت 7 کلو واٹ آور سے بڑھ کر 56 کلو واٹ آور ہو گئی۔

یہ موثر اسٹوریج سسٹم نہ صرف سستی توانائی کی شاندار مثال ہے بلکہ ای ویسٹ کم کرنے کی ایک بہترین عملی کوشش بھی قرار دیا جا رہا ہے۔