LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
الاسکا میں ڈیموکریٹس نے سینیٹ کی ایک اور نشست چھین لی، میری پیلٹولا کامیاب پاکستان اور چین کا قانون نافذ کرنے والے اداروں میں معاونت بڑھانے پر اتفاق بنگلہ دیش کے ساتھ اپنے تعلقات کو مزید مستحکم بنانے کیلئے پرعزم ہیں: اسحاق ڈار ایرانی فوج کی کویت میں امریکی پیٹریاٹ دفاعی نظام پر ڈرون حملوں کی تصدیق امریکی وزیر خارجہ نے ایران کے ڈرٹی بم حملے کی اطلاعات مسترد کر دیں اے سی سی ایشیا کپ رائزنگ سٹارز ٹرافی کی رونمائی کر دی گئی بچوں کے استحصال میں ملوث افراد کیلئے نیا ایکٹ لائیں گے: مریم نواز سرمایہ کاروں اور ٹیکنالوجی ماہرین کی توجہ دبئی پر مرکوز، بلاکچین لائف کانفرنس کی تیاریاں مکمل مشرق وسطیٰ پر پھر جنگ کے سائے، کویت میں ڈرون حملے، خطرے کے سائرن بج اٹھے روس، چین اور امریکا کے صدور کی ملاقات پوری دنیا کیلئے انتہائی اہم ہے، چینی کمیونسٹ پارٹی ایک ہفتے میں یوکرین کے روس پر 2 ہزار سے زائد حملے، بچے سمیت 10 شہری ہلاک ایرانی وزیر خارجہ کی قطری نمائندوں سے ملاقات، خطے میں کشیدگی کم کرنے پر زور دبئی میں ورلڈ آرٹ 2026ء کا آغاز 19 نومبر سے، 65 ممالک کے فنکار شریک ہوں گے امریکا، اسرائیل کے فوجی اڈوں کے قریب ڈیم اور بجلی گھر ہدف تصور ہونگے: ایران آبنائے ہرمز میں ایک دن میں تیسرا آئل ٹینکر بارودی سرنگوں سے ٹکرا گیا

امن کا سورج طلوع، جنیوا میں ایران امریکا معاہدے کی میزبانی پاکستان کرے گا: وزیراعظم

Web Desk

15 June 2026

وزیراعظم محمد شہباز شریف نے امریکہ اور ایران کے درمیان طے پانے والے تاریخی امن معاہدے کو عالمی امن کے لیے ایک عظیم سنگِ میل اور سفارتکاری کی فتح قرار دیتے ہوئے اعلان کیا ہے کہ اس معاہدے پر دستخط کی باضابطہ تقریب جمعہ 19 جون کو جنیوا میں پاکستان کی میزبانی میں منعقد ہوگی۔ پیر کے روز قومی اسمبلی کے خصوصی اجلاس سے خطاب کرتے ہوئے وزیراعظم نے کہا کہ یہ معرکہ صرف دو ممالک کے درمیان ایک معاہدہ نہیں بلکہ امن اور مکالمے کی طاقت کی کامیابی ہے، جس کے نتیجے میں پیدا ہونے والے عالمی معاشی استحکام کے ثمرات ہر پاکستانی تک پہنچائے جائیں گے۔ انہوں نے واضح کیا کہ جنگ کی تاریک رات کے بعد امن کا سورج طلوع ہو چکا ہے اور تین ماہ سولہ دن کی کٹھن آزمائشوں کے بعد امریکہ اور ایران نے لبنان سمیت تمام محاذوں پر فوجی کارروائیوں کے فوری اور مستقل خاتمے کا اعلان کر دیا ہے، جس پر پاکستان کے 24 کروڑ عوام کو دنیا بھر میں وہ عزت اور وقار ملا ہے جس کی مثال تاریخ میں نہیں ملتی۔

وزیراعظم نے اپنے خطاب میں اس تاریخی کامیابی پر اپوزیشن اور حکومتی اراکین سمیت پوری عالمی برادری کو مبارکباد پیش کی اور اپنے قائد میاں محمد نواز شریف، صدر آصف علی زرداری، چیئرمین پی پی پی بلاول بھٹو زرداری اور دیگر اتحادی جماعتوں کے سربراہان کا ان کی مسلسل رہنمائی اور بھرپور تعاون پر شکریہ ادا کیا۔ انہوں نے امریکی صدر ڈونلڈ ٹرمپ، ایران کے سپریم لیڈر سید مجتبیٰ خامنائی، ایرانی صدر مسعود پزشکیان اور ان کی ٹیموں کے تدبر کو سراہا۔ اس کے ساتھ ہی انہوں نے قطر کے امیر شیخ تمیم بن حمد آل ثانی، سعودی ولی عہد شہزادہ محمد بن سلمان، ترکیہ کے صدر رجب طیب ایردوان اور بالخصوص چین کے صدر شی جن پنگ کا امن مذاکرات کو آگے بڑھانے اور پاکستان کے ساتھ بھرپور مشاورت پر خصوصی شکریہ ادا کیا اور پوری قوم سے اللہ کے حضور سجدہ شکر بجا لانے کی اپیل کی۔

وزیراعظم شہباز شریف نے واشنگٹن اور تہران کے مابین اس کٹھن اور صبر آزما عمل کو کامیابی سے ہمکنار کرنے میں عسکری اور سیاسی قیادت کے کردار کو شاندار الفاظ میں خراجِ تحسین پیش کیا۔ انہوں نے کہا کہ پاکستان کے بہادر فرزند فیلڈ مارشل سید عاصم منیر کے ذکر کے بغیر یہ کامیابی ادھوری ہے، جنہوں نے جنگ کے شعلے بجھانے کے لیے دن رات ایک کیے۔ مذاکرات کے دوران جب کئی بار ایسے نشیب و فراز آئے کہ لگا معاملہ ختم ہونے کو ہے، تو فیلڈ مارشل نے ہمت نہیں ہاری اور اللہ پر توکل کے ساتھ مسلسل کاوشیں کیں جس کے نتیجے میں جنگ بندی ممکن ہوئی۔ وزیراعظم نے نائب وزیراعظم اور وزیر خارجہ سینیٹر اسحاق ڈار کی شبانہ روز محنت اور ایران کے حوالے سے وفاقی وزیر داخلہ محسن نقوی کی ذمہ دارانہ خدمات سمیت وزارت خارجہ اور تمام اداروں کے افسران کی پیشہ ورانہ صلاحیتوں کو سراہا اور انہیں پاکستان کا فخر قرار دیا۔ انہوں نے معاشی دباؤ کے باوجود عوام کے صبر اور صوبائی حکومتوں کے تعاون کو سلام پیش کرتے ہوئے عزم ظاہر کیا کہ معاشی ثمرات عوام تک پہنچائے جائیں گے۔ اپنے خطاب کے اختتام پر وزیراعظم نے حب الوطنی سے بھرپور اشعار پڑھے:

جب اپنا قافلہ عزم و یقیں سے نکلے گا جہاں سے چاہیں گے‘رَستہ وہیں سے نکلے گا وطن کی مٹی‘ مجھے ایڑیاں رگڑنے دے مجھے یقیں ہے‘ چشمہ یہیں سے نکلے گا

ہم نے آج جیتا ہے وہ امتحان دنیا میں گونجتا ہے نام پاکستان جب ہم پر کوئی حملہ کردے تو دشمن کو دھول چٹاتے ہیں ہم اور امن کی بات ہو تو آگ میں پھول کھلاتے ہیں ہم