پنجاب میں 3 ماہ کی گرمیوں کی تعطیلات کا فیصلہ ہائیکورٹ میں چیلنج، سماعت آج ہوگی
Web Desk
18 May 2026
لاہور ہائیکورٹ میں پنجاب حکومت کی جانب سے تعلیمی اداروں میں تین ماہ کی گرمیوں کی تعطیلات کے فیصلے کو چیلنج کر دیا گیا ہے۔
یہ درخواست آل پاکستان پرائیویٹ اسکولز ایسوسی ایشن کی جانب سے دائر کی گئی ہے جس میں حکومت پنجاب، محکمہ اسکول ایجوکیشن سمیت دیگر کو فریق بنایا گیا ہے۔ درخواست پر جسٹس خالد اسحاق آج سماعت کریں گے۔
درخواست گزار کے مطابق پنجاب حکومت نے موسم گرما کی تعطیلات کے لیے تعلیمی اداروں کو تین ماہ تک بند رکھنے کا نوٹیفکیشن جاری کیا ہے، جس کے باعث طلبہ کی تعلیمی سرگرمیاں شدید متاثر ہوں گی۔
درخواست میں مؤقف اختیار کیا گیا ہے کہ پاکستان میں پہلے ہی تعلیمی سال محدود ہو کر تقریباً ایک سو بیس دن رہ گیا ہے، جبکہ امریکا اور انگلینڈ سمیت ترقی یافتہ ممالک میں تعلیمی سال دو سو تیس دن تک ہوتا ہے۔
درخواست گزار نے کہا کہ تعلیم کے بغیر کوئی معاشرہ ترقی نہیں کر سکتا، اس لیے تعلیمی تسلسل برقرار رکھنا ضروری ہے۔
عدالت سے استدعا کی گئی ہے کہ تین ماہ کی تعطیلات کا نوٹیفکیشن کالعدم قرار دیا جائے اور موسم گرما کی تعطیلات چھ سے آٹھ ہفتے تک محدود کرنے کا حکم دیا جائے۔
متعلقہ عنوانات
ربیعہ احسن قتل کیس میں اہم پیشرفت، اہل خانہ نے ملزم کو معاف کر دیا
19 November 2026
ڈیفنس میں 11 سالہ گھریلو ملازم پر تشدد، گرم چائے کی پتیلی الٹ دی گئی
19 November 2026
روہنگیا میں مسلمانوں کو قتل عام اور جنسی تشدد کا نشانہ بنایا گیا،عالمی عدالت انصاف
19 November 2026
سٹاک مارکیٹ میں تیزی، کاروبار کا مثبت رجحان رہا
19 November 2026
جے یو آئی رہنماؤں کے خلاف مقدمہ، مفتی ابرار احمد کو وارنٹ کی تعمیل کروا دی
19 November 2026
عالمی و مقامی سطح پر سونے چاندی کی قیمتوں میں کمی
19 November 2026
امریکی، چینی اور روسی صدور کی چین میں تاریخی ملاقات، سرد جنگ کی ذہنیت ترک کرنے پر زور
19 November 2026
جنگ کے طریقے تبدیل، مسلح افواج جدید تقاضوں کے مطابق تیار ہیں: نیول چیف
19 November 2026