لاہور میں اسموگ کے پیشِ نظر مارکیٹوں کے اوقاتِ کار میں تبدیلی کا فیصلہ

ضلعی انتظامیہ نے بڑھتی ہوئی اسموگ کی صورتحال کے پیشِ نظر مارکیٹوں، ریسٹورنٹس اور کیفے کے اوقاتِ کار میں تبدیلی کا فیصلہ کر لیا ہے۔
انتظامیہ کے مطابق پیر سے ہفتہ تک تمام مارکیٹیں رات 10 بجے تک بند کرنا ہوں گی، جب کہ ریسٹورنٹس اور کیفے رات 11 بجے تک کھلے رہ سکیں گے۔ اتوار کے روز مارکیٹیں دوپہر 2 بجے سے رات 10 بجے تک کھل سکیں گی۔مزید بتایا گیا ہے کہ جمعہ، ہفتہ اور اتوار کو ریسٹورنٹس کو رات 12 بجے تک کھلے رہنے کی اجازت ہوگی، جبکہ ہوم ڈیلیوری سروس رات 2 بجے تک جاری رہ سکے گی۔
تاہم میڈیکل اسٹورز، تندور، دودھ کی دکانیں، اسپتال، لیبارٹریز، پٹرول پمپس اور پنکچر شاپس کو اس پابندی سے استثنیٰ حاصل ہوگا۔
ضلعی انتظامیہ نے واضح کیا ہے کہ نئے اوقاتِ کار پر عملدرآمد لازمی ہوگا، اور خلاف ورزی کرنے والوں کے خلاف سخت کارروائی کی جائے گی