LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
انقلابی شاعر فیض احمد فیض کو دنیا سے رخصت ہوئے 42 برس بیت گئے میکرون نے یوکرین کی نیٹو میں شمولیت یورپی سلامتی کیلئے انتہائی اہم قرار دیدی نئے صوبوں کے قیام سے ملک کو کوئی نقصان نہیں ہوگا: شوکت یوسفزئی ابوظہبی کے 2 بڑے عجائب گھروں میں بچوں کیلئے مفت تعلیمی سرگرمیوں کا آغاز سلامتی کونسل کالعدم بی ایل اے اور مجید بریگیڈ پر پابندیاں لگائے: چین اقوام متحدہ کے انسانی حقوق کے سربراہ وولکر ترک کا عمران خان کی فوری رہائی، مناسب سلوک اور سیاسی کشیدگی کم کرنے کا مطالبہ افغانستان میں دہشتگرد گروہوں سے رکن ممالک کو خطرہ ہے: سربراہ سلامتی کونسل امریکی صدر نے ایران پر دوبارہ حملوں کا معاملہ اگلے سال تک ملتوی کردیا امریکی سینیٹ نے ٹرمپ کو ایران پر حملوں سے روکنے کی قرارداد مسترد کر دی ترکیہ نے اپنا پہلا بغیر پائلٹ جنگی طیارہ قزل ایلما مسلح افواج کے حوالے کر دیا اینتھروپک کے حصص کی فروخت، کمپنی کی مالیت 15 کھرب تک پہنچ گئی ورلڈ آرٹ دبئی میں 10 ہزار فن پارے نمائش کیلئے پیش، قیمتیں 100 سے 20 ہزار ڈالر تک جدید تحقیق اور ٹیکنالوجی کے فروغ کیلئے شارجہ انوویشن ڈیز 2026ء کا افتتاح کر دیا گیا پاکستان سمیت 15 ممالک کی مقبوضہ فلسطینی علاقوں میں اسرائیلی بستیوں کی تعمیر کی مذمت گزشتہ چند گھنٹوں میں حملوں کے دوران 144 حوثی کمانڈرز اور جنگوؤں کو ہلاک یا زخمی کردیا: یمنی فورسز

لاہور میں 25 سال بعد بسنت، ہر طرف بھنگڑے، بوکاٹا کی صدائیں

Web Desk

6 February 2026

لاہور میں 25 سال بعد شبِ بسنت روایتی جوش و خروش کے ساتھ منائی گئی۔ جمعہ کی رات گھڑی نے جیسے ہی بارہ بجائے، شہر کی فضا رنگ برنگی پتنگوں سے بھر گئی اور چھتوں پر منچلوں نے بھنگڑے ڈال کر خوشی کا اظہار کیا۔ ’’بوکاٹا‘‘ کی گونج سے فضا دیر تک گونجتی رہی۔

صوبائی وزیر مریم اورنگزیب نے بھاٹی گیٹ میں ایک عمارت کی چھت پر بسنت کا باضابطہ افتتاح کیا۔ اس سے قبل انہوں نے سکیورٹی اور انتظامی اقدامات کا جائزہ لیا اور شہریوں کو سختی سے ایس او پیز پر عمل کرنے کی ہدایت کی۔

تین روزہ جشن، نئی بحث کا آغاز

پنجاب حکومت کی جانب سے جمعہ سے اتوار تک تین روزہ پتنگ بازی کی اجازت دی گئی ہے۔ بسنت پر 25 سالہ پابندی کے خاتمے نے نئی بحث چھیڑ دی ہے۔ حامی حلقوں کا کہنا ہے کہ اس فیصلے سے ثقافتی سرگرمیوں، کاروبار اور سیاحت کو فروغ ملے گا، جبکہ ناقدین کے مطابق ماضی میں آوارہ ڈور اور فائرنگ کے باعث قیمتی جانوں کے ضیاع کو نظرانداز نہیں کیا جا سکتا۔

جوش و خروش دیدنی

شہر کی ہر چھت روشن نظر آئی، موسیقی، ڈھول اور رقص کا سماں بندھا رہا۔ باربی کیو اور سبز چائے کی محفلیں سجی رہیں۔ نوجوان، بزرگ اور بچے سبھی تہوار کے رنگ میں رنگے دکھائی دیے۔ بعض مقامات پر ہوائی فائرنگ اور آتش بازی کے واقعات بھی رپورٹ ہوئے۔

اوورسیز پاکستانی بھی شریک

مانچسٹر سے آئے ایک شہری نے بتایا کہ وہ خصوصی طور پر بسنت منانے پاکستان آئے ہیں۔ ان کا کہنا تھا کہ لاہور جیسی پتنگ بازی دنیا میں کہیں نہیں۔ تاہم انہوں نے معیاری ڈور کی کمی پر تشویش کا اظہار بھی کیا۔

نئی نسل کے لیے نیا تجربہ

2001 کے بعد پیدا ہونے والی نسل کے لیے بسنت ایک نیا تجربہ ہے۔ نوجوانوں کا کہنا ہے کہ انہوں نے صرف کہانیوں میں بسنت کے بارے میں سنا تھا، اس بار عملی طور پر اس کا لطف اٹھانے کا موقع ملا ہے۔

لبرٹی چوک بسنت گالا

پنجاب حکومت نے لبرٹی چوک میں شاندار بسنت گالا منعقد کرنے کا اعلان کیا ہے، جس سے نوجوانوں میں جوش مزید بڑھ گیا ہے۔ تقریبات ہفتے کے روز منعقد ہوں گی۔

سوشل میڈیا کی بسنت

بسنت 2026 سوشل میڈیا کے دور میں منائی جا رہی ہے۔ انسٹاگرام، فیس بک، یوٹیوب اور ایکس پر پتنگ بازی کی ویڈیوز اور تصاویر وائرل ہو رہی ہیں، جبکہ پتنگ اور ڈور کی خریداری بھی آن لائن آرڈرز کے ذریعے کی جا رہی ہے۔

خدشات برقرار

اگرچہ حکومت کی جانب سے سخت سکیورٹی انتظامات کیے گئے ہیں، تاہم ماضی کے تلخ تجربات کے باعث خدشات موجود ہیں۔ ماہرین کے مطابق اگر تین روزہ بسنت پُرامن رہی تو مستقبل میں اسے دیگر اضلاع تک بھی توسیع دی جا سکتی ہے