کویت میں دھماکوں اور عمان کے قریب کارگو جہاز پر حملے کی اطلاعات

مسقط سے موصولہ رپورٹس کے مطابق ایرانی ذرائع ابلاغ نے دعویٰ کیا ہے کہ شمالی کویت میں زور دار دھماکوں کے بعد شدید آگ بھڑک اٹھی ہے، جس سے وہاں موجود ایک امریکی فوجی اڈہ بھی براہِ راست متاثر ہوا ہے، تاہم اس واقعے کی ذمہ داری تاحال کسی گروہ نے قبول نہیں کی۔ دوسری جانب برطانوی میری ٹائم ٹریڈ آپریشنز (UKMTO) کے مطابق عمان کے علاقے خصب سے تقریباً 20 بحری میل شمال مشرق میں ایک کارگو جہاز کو نامعلوم شے کے ذریعے حملے کا نشانہ بنایا گیا ہے۔ واقعے کے بعد بحری جہاز کے عملے نے الرٹ جاری کیا جس کے بعد متعلقہ حکام نے تحقیقات کا آغاز کر دیا ہے، جبکہ دونوں پیش رفتوں کے بعد خطے کی مجموعی سیکیورٹی صورتحال میں شدید تشویش پائی جا رہی ہے۔