ایران نے اہم تنصیبات کو نشانہ بنایا، بنیادی ڈھانچے کو شدید نقصان پہنچا: کویتی حکام

کویت کی وزارتِ دفاع نے ایران کی جانب سے ملکی شہری اور اہم اسٹریٹجک تنصیبات کو مسلسل نشانہ بنانے کی شدید الفاظ میں مذمت کی ہے۔ کویتی وزارتِ دفاع کے ترجمان میجر جنرل سعود عبدالعزیز نے ایک باضابطہ بیان میں بتایا کہ ایران کی اس کھلی جارحیت کے دوران بالخصوص وزارتِ بجلی، پانی اور قابلِ تجدید توانائی سے وابستہ اہم قومی تنصیبات کو ہدف بنایا گیا ہے۔ ترجمان کے مطابق ان ایرانی حملوں کے نتیجے میں مختلف سائٹس پر ہولناک آگ بھڑک اٹھی جبکہ کئی اہم سرکاری اور بنیادی ڈھانچے کو شدید نقصان پہنچا ہے۔ کویتی حکام نے اس پیش رفت کو ناقابلِ برداشت جارحیت قرار دیتے ہوئے صورتِ حال کا تفصیلی جائزہ لینا شروع کر دیا ہے۔