یوکرین جنگ ہار رہا، محاذ کی صورتحال واضح ثبوت ہے: کریملن

کریملن نے دعویٰ کیا ہے کہ یوکرین جنگ میں شکست کی جانب بڑھ رہا ہے اور تمام محاذوں پر جاری صورتحال اس حقیقت کو واضح طور پر ظاہر کر رہی ہے۔ روسی صدر کے ترجمان دیمتری پیسکوف نے بریفنگ کے دوران کہا کہ اس بات میں کوئی ابہام نہیں کہ یوکرینی افواج تنازع میں پیچھے جا رہی ہیں۔ ان کا یہ بیان یوکرین کے سابق وزیر دفاع میخائل فیودوروف کے اس اعتراف کے بعد سامنے آیا ہے جس میں انہوں نے کہا تھا کہ ایسا محسوس ہوتا ہے کہ یوکرین آہستہ آہستہ اپنی پوزیشن کھو رہا ہے۔ دیمتری پیسکوف نے روسی موقف دہراتے ہوئے واضح کیا کہ ماسکو اپنے ملٹری آپریشن کے مقررہ اہداف کے حصول تک محاذِ جنگ پر پیش قدمی اور کارروائیاں جاری رکھے گا۔